Гісторыя, цэлі і напрамкі дзейнасці

Гісторыя, цэлі і напрамкі дзейнасці

Культурны цэнтр Беларусі ў Варшаве створаны ў ліпені 2008 года пры Пасольстве Рэспублікі Беларусь у Рэспубліцы Польшча.

Прававымі падставамі для стварэння цэнтра з’яўляюцца:

• Дагавор паміж Рэспублікай Беларусь і Рэспублікай Польшча аб добрасуседстве і сяброўскім супрацоўніцтве ад 23 чэрвеня 1992 года;

• Пагадненне паміж Урадам Рэспублікі Беларусь і Урадам Рэспублікі Польшча аб супрацоўніцтве ў галіне культуры, навукі і адукацыі ад 27 лістапада 1995 года.

Мэты дзейнасці:

♦ папулярызацыя культурнай спадчыны і сучаснай культуры і мастацтва Беларусі, распаўсюджванне інфармацыі аб грамадска-палітычным жыцці і гаспадарцы Беларусі; 

♦садзейнічанне развіццю беларуска-польскага супрацоўніцтва ў культурнай, гуманітарнай, адукацыйнай, турыстычнай і інфармацыйных галінах шляхам пашырэння кантактаў і супрацоўніцтва з творчымі і культурна-адукацыйнымі ўстановамі і грамадскасцю абедзвюх дзяржаў.

У адпаведнасці з ускладзенымі задачамі Культурны цэнтр Беларусі ў Варшаве:

♦ папулярызуе веды аб культуры, навуцы, адукацыі, а таксама гістарычных і сучасных дасягненнях Беларусі;

♦спрыяе і забяспечвае пашырэнне культурнай прысутнасці ў Рэспубліцы Польшча праз рэалізацыю разнастайных культурна-адукацыйных праграм, культурных, навуковых, адукацыйных і іншых мерапрыемстваў (выстаў, паказаў кінафільмаў, выступленняў артыстаў, канцэртаў, тэатральных прадстаўленняў, фестываляў, творчых майстар-класаў, семінараў, канферэнцый і інш.); 

♦стварае сваю бібліятэку і забяспечвае яе даступнасць для зацікаўленых арганізацый і асобных грамадзян Рэспублікі Польшча;

♦стварае інфармацыйна-даведачныя фонды і банкі дадзеных па пытаннях культуры, навукі, адукацыі, навукова-тэхнічнага і эканамічнага развіцця абедзвюх дзяржаў, праводзіць канферэнцыі, семінары, кансультацыі па праблемах культурнага, навуковага, гуманітарнага і дзелавога супрацоўніцтва; 

♦аказвае садзейнічанне ў дзейнасці арганізацыям беларускай нацыянальнай меншасці ў Рэспубліцы Польшча і польскай меншасці ў Рэспубліцы Беларусь, навучальным і культурным установам у Падляшскім ваяводстве; 

♦арганізуе курсы па вывучэнні мовы і культуры сваёй дзяржавы, аказвае кансультацыйную і метадычную дапамогу работнікам культуры, навукі і адукацыі абедзвюх дзяржаў; 

♦выдае і распаўсюджвае інфармацыйныя матэрыялы, бюлетэні, часопісы зборнікі твораў і іншыя матэрыялы ў галіне беларускай і польскай культуры, навукі, адукацыі, турызму, гуманітарнага супрацоўніцтва;

♦спрыяе развіццю ўсебаковага супрацоўніцтва паміж дзяржаўнымі, недзяржаўнымі і грамадскімі ўстановамі і арганізацыямі, пабрацімскіх адносін і партнёрскіх сувязяў паміж гарадамі і рэгіёнамі Беларусі і Польшчы.