Віншаванне Прэзідэнта Рэспублікі Беларусь А.Р. Лукашэнкі польскага народа ў сувязі з Нацыянальным святам незалежнасці
11.11.2025 г.Прэзідэнт Рэспублікі Беларусь Аляксандр Лукашэнка ад імя ўсіх беларусаў і сябе асабіста павіншаваў народ Польшчы з Нацыянальным Святам Незалежнасці.
«У цяперашні няпросты час асабліва адчувальна ўспрымаюцца каштоўнасці суверэннасці дзяржавы і свабоды народа, які стварае сваю будучыню на аснове нацыянальнай самасвядомасці, гістарычнай мудрасці і падтрымкі ўзаемапаважлівых адносін.
Перакананы, што палякі бачаць і добра разумеюць значнасць міжчалавечых кантактаў і супрацоўніцтва з Беларуссю, прыязнасці і даверу, захавання агульнай хрысціянскай і культурнай спадчыны.
Добрасуседства — наш бясцэнны дар, якім пры любых абставінах не варта рызыкаваць: замыкаць межы і ставіць пад пагрозу нацыянальную бяспеку.
Менавіта таму Мінск, дэманструючы прыхільнасць да прынцыпаў мірнага суіснавання, увёў бязвізавы парадак уезду для жыхароў шэрагу еўрапейскіх краін, чым скарысталіся ўжо больш як 120 тыс. польскіх грамадзян.
Шчыра жадаю народу Польшчы згоды, бясхмарнага неба і ўпэўненасці ў заўтрашнім дні і запрашаю ўсіх у гасцінную Беларусь».
