Візіт Міністра замежных спраў Беларусі У.Макея ў Польшчу
10.10.2016 г.10 кастрычніка 2016 г. адбыўся рабочы візіт Міністра замежных спраў Рэспублікі Беларусь Уладзіміра Макея ў Рэспубліку Польшча.
Кіраўнік беларускага знешнепалітычнага ведамства быў прыняты Прэзідэнтам Рэспублікі Польшча Анджэем Дудам. Адбыўся абмен меркаваннямі аб перспектывах пашырэння беларуска-польскага ўзаемадзеяння, у тым лiку па адчувальных пытаннях, у духу добрасуседства і ўзаемнай павагі.
Падчас сустрэчы са Статс-сакратаром Канцылярыі Прэзідэнта Рэспублікі Польшча Кшыштафам Шчэрскім абмеркаваны пытанні інтэнсіфікацыі кантактаў на розных узроўнях.
Адбыліся перамовы У.Макея з Міністрам замежных спраў Польшчы Вітальдам Вашчыкоўскім.
Бакі разгледзелі шырокае кола пытанняў двухбаковага парадку дня, дыялогу на лініі Беларусь-ЕС, абмяняліся меркаваннямі аб развіцці сітуацыі ў рэгіёне.