Language
Сейчас в Минске   Погода в городах Беларуси

Галоўная Двухбаковыя адносіны Супрацоўніцтва ў сферах культуры, навукі і адукацыі Навука

Навука

Навукова-тэхнічнае супрацоўніцтва з Рэспублікай Польшча ажыццяўляецца ў адпаведнасці з Дагаворам паміж Урадам Рэспублікі Беларусь і Урадам Рэспублікі Польшча аб супрацоўніцтве ў галіне навукі і тэхналогій, падпісаным 18 лістапада 1992 года.

У адпаведнасці з Дагаворам створана і працуе Міжурадавая беларуска-польская камісія па супрацоўніцтву ў галіне навукі і тэхналогій. На пасяджэннях камісіі абмяркоўваюцца пытанні распрацоўкі сумесных праектаў навукова-тэхнічнага супрацоўнітцва, іх фінансаванне, а таксама зацвярджаецца беларуска-польская праграма навукова-тэхнічнага ўзаемадзеяння.

Асноўнымі прыарытэтнымі напрамкамі супрацоўнітцва з’яўляюцца фундаментальныя даследаванні, новыя матэрыялы, матэрыялы для электронікі, машынабудаўніцтва і транспарт, аграпрамысловыя тэхналогіі. Пры гэтым улічваюцца нацыянальныя прыарытэты развіцця эканомік, а таксама еўрапейскія інтэграцыйныя працэсы.

Беларускія і польскія вучоныя супрацоўнічаюць таксама ў рамках Рамачнай Праграмы Еўрапейскага Саюза “Гарызонт-2020”, якая прыйшла на змену Сёмай рамачнай праграме ЕС.

Упершыню ў 2011 годзе ў г.Белавежа (Падляскае ваяводства) прайшоў I Форум беларускіх і польскіх вучоных, у якім прынялі ўдзел 130 прадстаўнікоў навуковых колаў Беларусі і Польшчы.

З 2015 года на базе інстытута еўрапеістыкі Варшаўскага ўніверсітэта праводзіцца міжнародная канферэнцыя “Беларусь і Польшча ў сучаснай Еўропе”, у якой прымаюць удзел вучоныя і прадстаўнікі органаў дзяржкіравання, бізнеса, сацыяльнай і культурнай сфер абедзвюх краін. Асноўныя тэмы для абмеркавання – роля Беларусі і Польшчы на фоне інтэграцыйных працэсаў у Еўропе, двухбаковае супрацоўніцтва ў розных галінах гаспадаркі і бяспекі, а таксама палітычный і грамадска-культурнай сферах.

Актыўна рэалізуецца ўзаемадзеянне з арганізацыямі Польшчы на ўзроўні інстытутаў і цэнтраў Нацыянальнай акадэміі навук Беларусі. Прыкладамі такого супрацоўнітва могуць быць кантакты Навукова-практычнага цэнтра па матэрыялазнаўству НАН Беларусі і Інстытута перадавых тэхналогій вытворчасці і Інстытута фізікі Польскай Акадэміі навук, Інстытута цепла- і масаабмена імя А.Лыкава з Інстытутам мікрамеханікі і фатонікі Варшаўскага Палітэхнічнага інстытута, Інстытута прыродакарыстання НАН Беларусі з Польскім геалагічным інстытутам.

21-23 красавіка 2016 г. адбыўся візіт у г.Варшаву дэлегацыі Нацыянальнай акадэміі навук Беларусі на чале са старшынёй НАН Беларусі акадэмікам Гусаковым В.Г. Члены дэлегацыі правялі перамовы з кіраўніцтвам Польскай акадэміі навук (ПАН), азнаёміліся з напрамкамі дзейнасці і напрацоўкамі Інстытуту гісторыі, Інстытуту генэтыкі і харчавання жывёл, Інстытуту геаграфіі і тэрытарыяльнага развіцця, Інстытуту філасофіі і сацыялогіі, Інстытуту славістыкі ПАН, прынялі ўдзел у сімпозіуме “Польска-беларускае навуковае супрацоўніцтва ў галіне гуманітарных навук”. Бакі абмеркавалі магчымасці ўзаемадзеяння на бліжэйшы час, вызначылі перспектывы развіцця навуковых адносін і практычнага супрацоўніцтва па рэалізацыі сумесных праектаў на міжнародным узроўні. 

Беларусь актыўна ўдзельнічае ў мерапрыемствах навуковага характару, якія праводзяцца на тэрыторыі Польшчы. Так, навукоўцы штогод прымаюць удзел у Міжнародным форуме “Дні навукі і тэхналогій “Польшча-Усход” ў г.Беластоку, Міжнародным форуме і выставе “Лепшае з Усходу – для Ўсходняга Партнёрства” у г.Варшаве, Міжнароднай канферэнцыі гісторыкаў “Шматкультурны дыялог: Беласток-Гродна” у Падляскім ваяводстве.

Унікальным навуковым форумам беларускіх і польскіх навукоўцаў застаецца канферэнцыя “Шлях да ўзаемнасці”, якая па чарзе праводзіцца ў гарадах Гродна і Беластоку.