Language
Пасольства
Мы ў сацыяльных сетках
Сейчас в Минске   Погода в городах Беларуси

Галоўная Двухбаковыя адносіны Эканамічнае супрацоўніцтва

Эканамічнае сапрацоўніцтва

Па выніках 2017 года аб’ём беларуска-польскага гандлю склаў 2 мільярды 400 мільёнаў долараў ЗША. Гэта на 423 мільёны долараў больш, чым у 2016 годзе.

 

Пры гэтым узрост дастаткова зроўнаважаны. Экспарт беларускіх тавараў ў Польшчу павялічыўся прыкладна на 33 адсоткі (33,1%) да ўзроўню ў 1 мільярд 100 мільёнаў долараў ЗША. У сваю чаргу наш імпарт, а для Польшчы – экспарт, таксама павялічыўся і склаў 1 мільярд 300 мільёны долараў ЗША (на 12,9%).

 

Па выніках года Польшча стала шостым знешнеэканамічным партнёрам Беларусі па аб’ёме гандлю і пятым інвестарам у эканоміку Беларусі.

 

Асноўныя пазіцыі беларускага экспарту ў Польшчу – гэта нафтапрадукты, звадкаваны газ, металапрадукцыя, калійныя і азотныя ўгнаенні, лесаматэрыялы, драўляныя пліты, шкло і дублёная скура.

 

Асноўныя пазіцыі імпарту з Польшчы ў Беларусь – гэта садавіна, агародніна, полікарбонавыя кіслоты, лекі, акумулятары, палімеры, папера, малако і вяршкі, пульты і панэлі для электрычнай апаратуры, металаканструкцыі з чорных металаў, вырабы з пластмас.

 

У 2017 годзе польскі капітал інвеставаў у беларускую гаспадарку амаль 325 мільёнаў долараў (324,2). Сёння ў Беларусі зарэгістравана больш за 350 прадпрыемстваў з удзелам польскага капіталу. З іх больш за 200 – сумесныя прадпрыемствы.

 

Асабліва актыўна польскі бізнэс прысутнічае ў такіх галінах як будаўніцтва і вытворчасць будаўнічых матэрыялаў („УНІБЭП”, „АТЛАС-Тайфун”), мэблярства (“БлэкРэдУайт”), перапрацоўка сельгаспрадукцыі (кампанія “Інка-Фуд”), транспартная инфраструктура („ЦІНЕС”), банкаўскі сектар (“Ідэабанк”).

 

З аптымізмам глядзім у будучыню. Паэтапнае рэфармаванне беларускай эканомікі забяспечвае адначасова гаспадарчы рост і сацыяльную стабільнасць у грамадстве. Імкнемся максімальна забяспечыць умовы, неабходныя для павышэння вытворчай актыўнасці і заахвочвання замежных інвестараў.