Аб удзеле Пасла ў мерапрыемстве ПАПЦ
25.09.2020 г.20 верасня 2020 г. Пасол Беларусі ў Польшчы Уладзімір Чушаў прыняў удзел ва ўрачыстасцях з нагоды асвячэння першага пабудаванага за апошнія 100 гадоў у Варшаве праваслаўнага храма — у гонар Сафіі-Прамудрасці Божай.
Храм пабудаваны па вобразу храма Св. Сафіі ў Канстанцінопалі-Стамбуле ў асноўным за кошт ахвяраванняў прыхаджан і мецэнатаў.
У прысутнасці больш як тысячы вернікаў храм асвяціў прадстаяцель Польскай Аўтакефальнай Праваслаўнай Царквы (ПАПЦ) мітрапаліт Варшаўскі і ўсяе Польшчы Сава.
На ўрачыстай цырымоніі прысутнічалі таксама іерархі ПАПЦ, дэпутат Сейма Польшчы, намеснік старшыні Польска-Беларускай парламенцкай групы Яўген Чыквін, прадстаўнікі сталічных уладаў, грамадскіх арганізацый, госці з Беларусі, у тым ліку прадпрымальнік-мецэнат Канстанцін Шавель.