Аб мемарыяльнай акцыі Пасольства
07.05.2020 г.7 мая 2020 г. у рамках удзелу ў акцыі «Беларусь памятае» і ў мэтах падрыхтоўкі да святкавання 75-годдзя Перамогі над нямецка-фашысцкімі захопнікамі Пасол і супрацоўнікі Пасольства Беларусі прынялі ўдзел у добраўпарадкаванні тэрыторыі каля помніка савецкім воінам, якія загінулі ў баях за вызваленне Варшавы.
Помнік знаходзіцца на могілках у сталічным раёне Брудна, на якім пахаваныя 279 вызваліцеляў польскай сталіцы, у тым ліку Героі Савецкага Саюза артылерыст падпалкоўнік Іван Косцін і лётчык капітан Сяргей Кісялёў.
У баях за вызваленне Польшчы загінула каля 600 тысяч савецкіх воінаў.
