Аб візіце намесніка Старшыні Палаты прадстаўнікоў Беларусі Б.Пірштука ў Польшчу
16.07.2018 г.11-14 ліпеня 2018 г. адбыўся візіт у г.Варшаву намесніка Старшыні Палаты прадстаўнікоў Нацыянальнага сходу Рэспублікі Беларусь Баляслава Пірштука.
12 ліпеня віцэ-спікер ніжняй палаты беларускага парламента прыняў удзел у трэцяй сустрэчы спікераў парламентаў краін Цэнтральнай і Усходняй Еўропы.
Адбылася сустрэча намесніка Старшыні Палаты прадстаўнікоў з віцэ-маршаламі Сейма Польшчы Р.Тэрлецкім і Б.Мазурэк, сустаршынёй Польска-Беларускай парламенцкай групы А.Андрушкевічам.
13 ліпеня Б.Піршук прысутнічаў на ўрачыстым пасяджэнні Нацыянальнага Сходу Рэспублікі Польшча з нагоды 550-годдзя польскага парламентарызму і 100-годдзя аднаўлення незалежнасці Польшчы, падчас якога з пасланнем звярнуўся Прэзідэнт Польшчы А.Дуда.
