Language
Сейчас в Минске   Погода в городах Беларуси

Галоўная Пасольства Навіны Пасольства

Аб інаўгурацыі Ганаровага консула Беларусі ў г.Ольштыне

30.07.2020

30 ліпеня 2020 года ў Пасольстве Беларусі адбылася інаўгурацыя Ганаровага консула Беларусі ў Ольштыне Яна Шынакі – вядомага польскага бізнесмена, кіраўніка і ўласніка групы “Шынака-Мэбле”, аднаго з найбуйнешых польскіх інвестараў на Беларусі.

Надзвычайны і Паўнамоцны Пасол Рэспублікі Беларусь у Рэспубліцы Польшча Уладзімір Чушаў ва ўрачыстай абстаноўцы ўручыў Ганароваму консулу Беларусі ў Ольштыне Дзяржаўны сцяг Беларусі, консульскі патэнт і пячатку. Дырэктар Усходняга дэпартамента Міністэрства замежных спраў Польшчы Ян Хафмокль ад імя Міністэрства ўручыў экзекватуру.

Ян Шынака будзе ажыццяўляць сваю дзейнасць у консульскай акрузе, якая ўключае ў сябе Варминьска-Мазурскае, Куяўска-Паморскае і Паморскае ваяводствы Польшчы. Працягнута распачатая ў 2019 годзе прызначэннем Марка Расіньскага Ганаровым консулам Беларусі ў Катавіцах практыка ўсталявання ганаровых консульскіх устаноў Беларусі ў Польшчы.

На цырымоніі прысутнічалі прадстаўнікі Міністэрства замежных спраў Польшчы, мясцовых уладаў, а таксама кіраўнікі прадстаўніцтваў беларускіх кампаній у Польшчы.