Аб удзеле Пасольства ў мемарыяльнай акцыі
01.02.2021 г.29 студзеня Пасольства Беларусі ў Польшчы прыняло ўдзел у мемарыяльнай акцыі па ўскладанні вянкоў да помніка ахвярам нацысцкага канцлагера “Зонэнбург” з нагоды 76-й гадавіны забойства яго зняволеных (адзначаецца штогод 31 студзеня).
Фота — адміністрацыя гміны Слоньск
У сувязі з эпідэміялагічнай сітуацыяй вянок ад імя Пасольства быў ускладзены ля помніка ахвярам канцлагера адміністрацыяй гміны Слоньск. У мерапрыемстве прынялі ўдзел дыпламатычныя ўстановы Германіі, Люксембурга, Нарвегіі, Расіі, а таксама кіраўніцтва Любушскага ваяводства.
Фота — адміністрацыя гміны Слоньск
31 студзеня выйшаў дакументальны фільм аб ахвярах канцлагера і сёлетніх мемарыяльных мерапрыемствах.
