Фестываль “Сяброўская бяседа”
01.08.2016 г.30 ліпеня 2016 года ў в.Грудак (Беластоцкi павет) адбылiся ХVІІ міжнародны фестываль беларускай культуры “Сяброўская бяседа” і святкаванне 20-гадовага юбілею ансамбля “Прымакі”.
У мерапрыемствах прынялі ўдзел дыпламаты, прадстаўнікі мясцовых уладаў, кіраўніцтва Беларускага грамадска-культурнага таварыства ў Польшчы, творчыя калектывы з Беларусі – арт-група “Беларусы”, ансамблі “Белы птах”, “Неруш”, “Гомій”, “Крышталікі”, “Крупіцкія музыкі”.
“Прымакам” уручаны віншаванні Пасольства і Міністэрства культуры Беларусі, а таксама падарунак – беларускія нацыянальныя касцюмы.