Спачуванні
23.10.2020 г.
22 кастрычніка 2020 года
пайшоў з жыцця вядомы беларускі паэт Беласточчыны
Віктар Швед
З вялікім смуткам Пасольства i Культурны цэнтр Беларусі ў Польшчы ўспрынялі вестку аб смерці спадара Віктара Шведа, паэта, перакладчыка, публіцыста, грамадскага дзеяча, заснавальніка і сябры Беларускага літаратурнага аб'яднання “Белавежа”, аўтара шматлікіх выданняў, прызначаных як дарослым, так і дзецям.
Гэта велізарная страта для ўсёй беларускай супольнасці. Віктар Швед больш за сорак гадоў дзяліўся сваім шчодрым талентам з асяроддзем. Майстэрства яго паэтычнага слова глыбока кранала душы ўсіх пакаленняў беларусаў ад мала да вяліка. Аб высокай ацэнцы творчасці паэта і актыўнай грамадзянскай пазіцыі гавораць ягоныя шматлікія ўзнагароды, як польскія, так і беларускія, у тым ліку беларускі ордэн Францыска Скарыны.
Выказваем глыбокія спачуванні сям'і, родным і блізкім, сябрам і паплечнікам, з якімі мы шчыра падзяляем боль страты.
Вечная памяць!