Аб устанаўленні бязвізавага парадка ўезду для наведвання парка “Аўгустоўскі канал”
24.08.2016 г.У мэтах далейшага развіцця трансгранічнага турызма Прэзідэнтам Рэспублікі Беларусь 23 жніўня 2016 года падпісаны Указ № 318 “Аб устанаўленні бязвізавага парадка ўезду і выезду замежных грамадзян”.
Указам усталяваны бязвізавы парадак часовага знаходжання замежных грамадзян у турыстычных мэтах на тэрмін да пяці сутак на тэрыторыі г.Гродна, Адэльскага, Гожскага, Копцеўскага, Падлабенскага і Сапоцкінскага сельсаветаў Гродзенскага раёна.
Падставай для бязвізавага ўезду і часовага знаходжання з’яўляюцца дакументы, якія даюць замежным грамадзянам права на наведванне парка “Аўгустоўскі канал”.
Уезд замежных грамадзян у Рэспубліку Беларусь у бязвізавым парадку магчымы ў пунктах пропуску Лясная (Рудаўка) і Брузгі (Кузніца Беластоцкая) на беларуска-польскай граніцы, а таксама Прывалка (Швяндубрэ) і Прывалка (Райгардас) на беларуска-літоўскай граніцы.
Пры гэтым замежны грамадзянін у пункце пропуску абавязаны прад’явіць сапраўдны дакумент для выезду за граніцу (напрыклад, пашпарт) і дакумент, які дае яму права на індывідуальнае або групавое наведванне парка “Аўгустоўскі канал”.
Указам даручана Савету Міністраў Рэспублікі Беларусь у двухмесячны тэрмін распрацаваць і зацвердзіць формы дакументаў, якія даюць замежным грамадзянам права на індывідуальнае або групавое наведванне парка “Аўгустоўскі канал” пры бязвізавым парадку ўезду, вызначыць парадак наведвання замежнымі грамадзянамі парка “Аўгустоўскі канал” і прыняць іншыя меры рэалізацыі Указа.
Палажэнні Указа аб бязвізавым парадку ўезду набудуць моц праз два месяцы пасля афіцыйнага апублікавання Указа.
