Аляксандр Лукашэнка павіншаваў Анджэя Дуду з абраннем на пасаду Прэзідэнта Рэспублікі Польшча
25.05.2015 г.Прэзідэнт Рэспублікі Беларусь Аляксандр Лукашэнка павіншаваў Анджэя Дуду з абраннем на пасаду Прэзідэнта Рэспублікі Польшча.
Кіраўнік беларускай дзяржавы пацвердзіў зацікаўленасць у развіцці поўнамаштабнага супрацоўніцтва з Рэспублікай Польшча на прынцыпах партнёрства і даверу.
Аляксандр Лукашэнка выказаў перакананасць, што далейшае развіццё беларуска-польскіх міждзяржаўных сувязяў, эканамічнага супрацоўніцтва і ўзаемадзеяння ў іншых галінах цалкам адпавядае інтарэсам народаў дзвюх краін і будзе садзейнічаць умацаванню дружалюбных адносін паміж беларусамі і палякамі, а таксама стабільнасці ў рэгіёне.
крыніца: president.gov.by
