Выбарчыя ўчасткі ў Польшчы адкрыліся для датэрміновага галасавання на выбарах Прэзідэнта Рэспублікі Беларусь
04.08.2020 г.4 жніўня 2020 г. выбарчыя ўчасткі ў Польшчы адкрыліся для датэрміновага галасавання на выбарах Прэзідэнта Рэспублікі Беларусь. Прыняць удзел у ім могуць беларусы, якія пастаянна пражываюць або часова знаходзяцца на тэрыторыі Рэспублікі Польшча.
У адпаведнасці з заканадаўствам, датэрміновае галасаванне праходзіць з 4 па 8 жніўня 2020 г. з 10.00 да 14.00 і з 16.00 да 19.00. на ўсіх трох выбарчых участках, сфармаваных у Польшчы, — Варшаве, Беластоку і Бяла Падлясцы.
Прымаючы пад увагу дзейныя ў Рэспубліцы Беларусь і Рэспубліцы Польшча правілы правядзення галасавання ў сітуацыі пагрозы распаўсюджвання COVID-19, падчас галасавання выконваюцца супрацьэпідэмічныя меры: праветрыванне памяшкання, санітарная апрацоўка паверхняў і прадметаў, якія выкарыстоўваюцца падчас галасавання, сацыяльная дыстанцыя i iнш.
