Аб адкрыцці выставы А.Скамарошчанка
13.02.2015 г. 2 лютага 2015 г. у Культурным цэнтры Беларусі ў Варшаве адбыўся вернісаж выставы “А што было?” гродзенскага мастака Анатоля Скамарошчанка.
Выставу адкрыў Надзвычайны і Паўнамоцны Пасол Рэспублікі Беларусь у Рэспубліцы Польшча Аляксандар Авер’янаў.
Удзел у мерапрыемстве прынялі прадстаўнікі дыпламатычнага корпусу, культурных устаноў г.Варшавы, грамадскіх аб’яднанняў, беларускай дыяспары, СМІ.
Госці вернісажа высока ацанілі майстэрства аўтара і падкрэслілі важнасць арганізацыі такіх мерапрыемстваў дзеля папулярызацыі беларускага мастацтва за мяжой.
Падчас адкрыцця выставы адбылося выступленне дуэта бардаў – Сяргея Антонава і Вадзіма Мязецкага, якія прадстаўляюць Творчае аб’яднанне “Сваё асяроддзе” (г.Мінск). Выступленне артыстаў выклікала захапленне ў публікі і стварыла цудоўную атмасферу вечара.
Выстава А.Скамарошчанка ў Варшаве працягнецца да 5 сакавіка 2015 года.