Аб удзеле Пасла Беларусі У.Чушава ў цырымоніі перадачы «Полымя міру» II Еўрапейскіх гульняў
11.05.2019 г.11 мая 2019 г. у рамках эстафеты «Полымя міру» факел II Еўрапейскіх гульняў быў дастаўлены ў сталіцу Рэспублікі Польшча г. Варшава.
На базе Польскага алімпійскага камітэта адбылася ўрачыстая цырымонія, падчас якой факел быў пранесены прадстаўніком беларускай дыяспары, журналістам і пісьменнікам В. Корбутам.
Была ўрачыста запаленая «польская» лямпа, якая застанецца тут на два тыдні, а ў суботу, 25 мая, будзе суправаджаць Алімпійскі пікнік, падчас якога, у прыватнасці, будуць прадстаўлены гульні ў Мінску.
З прывітальнымі словамі да ўдзельнікаў урачыстай акцыі звярнуліся Пасол Беларусі ў Польшчы У. Чушаў, старшыня Польскага алімпійскага камітэта А. Красьніцкі, начальнік упраўлення цырымоній і культурнай праграмы фонду «Дырэкцыя II Еўрапейскіх гульняў» С. Хоміч.
З Варшавы эстафета «Полымя міру» 12 мая накіравалася ў Беларусь.