XVI Прэзентацыя калядных калектываў у Беластоку
14.01.2015 г.11 студзеня 2015 г. у Беластоку ў 16-ы раз запар адбылося традыцыйнае мерапрыемства этнічных беларусаў Польшчы – Прэзентацыі калядных калектываў “Гвязда і Калядка”. Мерапрыемства было арганізавана Беларускім грамадска-культурным таварыствам пры падтрымцы Міністэрства адміністрацыі і лічбавізацыі Польшчы і Культурнага цэнтра Беларусі ў Варшаве.
Удзел у прэзентацыях прынялі 35 мастацкіх калектываў у агульным складзе звыш 500 удзельнікаў, якія прадэмайстравалі гледачам сваё майстэрства выканання калядных песень і абрадаў. Кожны з удзельнікаў атрымаў ад арганізатараў святочны падарунак.
