Аб адкрыцці выстаўкі «ЭТНА ў сучасным гучанні»
12.11.2017 г.
10.11.2017 г. у Культурным цэнтры Беларусі ў Варшаве адбылося адкрыццё цыкла выставак мастацкіх работ студэнтаў Брэсцкага дзяржаўнага ўніверсітэта імя А.С. Пушкіна.
Першая з выставак прайшла пад назвай “ЭТНА ў сучасным гучанні”. У экспазіцыі былі прадстаўлены выкананыя ў розных тэхніках малыя скульптуры, аплікацыі, карціны, габелены з этнаматывамі.
У адкрыцці выстаўкі прынялі ўдзел беларускія дыпламаты, прадстаўнікі грамадскасці і беларускай дыяспары ў Варшаве.
