Аб візіце беларускай парламенцкай дэлегацыі ў Польшчу
03.02.2017 г.30 студзеня — 2 лютага 2017 года адбыўся візіт у Рэспубліку Польшча парламенцкай дэлегацыі Рэспублікі Беларусь на чале з Намеснікам старшыні Палаты прадстаўнікоў Нацыянальнага сходу Баляславам Пірштуком. У склад дэлегацыі ўвайшоў таксама старшыня Пастаяннай камісіі Палаты прадстаўнікоў па міжнародных справах Валерый Варанецкі.
30 студзеня адбылася сустрэча парламенцкай дэлегацыі Рэспублікі Беларусь з прадстаўнікамі беларускай нацыянальнай меншасці ў Польшчы.
31 студзеня ў будынку польскага парламента адбыліся перамовы беларускай дэлегацыі з Віцэ-маршалам Сейма Польшчы Рышардам Тэрлецкім і Маршалам Сената Станіславам Карчэўскім.
Падчас сустрэчы з сустаршынямі Польска-Беларускай парламенцкай групы Сейма Польшчы Адамам Андрушкевічам і Мечыславам Башко разгледжаны пытанні інтэнсіфікацыі дыялогу паміж групамі супрацоўніцтва парламентаў дзвюх краін.
1 лютага адбыліся перамовы з намеснікам Міністра замежных спраў Польшчы Марэкам Зюлкоўскім і Міністрам сельскай гаспадаркі і развіцця вёскі Польшчы Кшыштафам Юргелем.
Члены беларускай дэлегацыі правялі таксама перамовы з прадстаўнікамі польскіх дзелавых колаў, абмеркаваны перспектывы нарошчвання паставак беларускай прадукцыі на рынак Польшчы, рэалізацыі інвестыцыйных праектаў у Рэспубліцы Беларусь.