Аб Дні беларускага пісьменства
27.08.2018 г.2 верасня ў г. Іванава Брэсцкай вобласці пройдзе Дзень беларускага пісьменства.
Гэты дзень беларусы адзначаюць кожны год у першую нядзелю верасня. Канцэпцыя свята прадугледжвае дэманстрацыю адзінства беларускага друкаванага слова, гісторыі і культуры беларускага народа, паказвае гістарычны шлях беларускага пісьменства і кнігадрукавання.
Састаўной часткай Дня беларускага пісьменства традыцыйна з'яўляецца рэспубліканская навукова-асветніцкая экспедыцыя «Дарога да Святыняў» з Благадатным Агнём ад Гроба Гасподняга, у якой прымаюць удзел прадстаўнікі творчай і навуковай інтэлігенцыі, духавенства. Экспедыцыя праходзіць па гарадах і вёсках некалькіх рэгіёнаў краіны і завяршае свой шлях у сталіцы правядзення свята.
Запрашаем усіх жадаючых прыняць удзел у названых мерапрыемствах.
Больш падрабязная інфармацыя аб свяце можна прачытаць тут.
Падрабязная праграма мерапрыемстваў прадстаўлена тут.