Language

Галоўная Адукацыя ў Беларусі

Адукацыя ў Беларусі

Сістэма адукацыі Рэспублікі Беларусь развіваецца з улікам сусветных тэндэнцый, забяспечвае патрэбнасць інавацыйнай эканомікі і з'яўляецца асноўнай крыніцай падрыхтоўкі высокакваліфікаваных кадраў.

Cёння ў Рэспубліцы Беларусь атрыманне адукацыі забяспечвае 51 установа вышэйшай адукацыі, з іх 42 – дзяржаўныя, 9 – прыватных, а атрыманне сярэдняй спецыяльнай адукацыі – 215 дзяржаўных і 12 прыватных устаноў.

Ва ўстановах вышэйшай адукацыі Рэспублікі Беларусь забяспечваецца якасная падрыхтоўка спецыялістаў I-й і II-й ступеняў вышэйшай адукацыі, ажыццяўляецца падрыхтоўка кадраў вышэйшай кваліфікацыі (аспірантура, дактарантура), праводзяцца навуковыя даследаванні, вырабляюцца ўзоры інавацыйнай навукаёмістай прадукцыі.

Пасля афіцыйнага далучэння Беларусі да Балонскага працэсу ў маі 2015 года пашырыўся спектр магчымасцей атрымання адукацыі замежнымі грамадзянамі. Даступныя цэны на навучанне, чыстае навакольнае асяроддзе, насычанае культурнае жыццё, стабільнасць у краіне, а таксама выгаднае геаграфічнае размяшчэнне ў Еўропе робяць навучанне ў Беларусі прывабным.

У студэнтаў беларускіх адукацыйных устаноў ёсць выдатная магчымасць навучацца па шырокім спектры спецыяльнасцяў, а таксама займацца навуковымі даследаваннямі. Падрыхтоўка кадраў з вышэйшай адукацыяй у Рэспубліцы Беларусь ажыццяўляецца па 15 профілях адукацыі, якія ўключаюць 384 спецыяльнасці. Структура спецыяльнасцяў увесь час удасканальваецца: так, з'явіліся новыя спецыяльнасці, звязаныя з развіццём сферы інфармацыйна-камунікацыйных тэхналогій, атамнай энергіі, робататэхнікі, засваеннем космасу і інш.

Навучанне на розных спецыяльнасцях у беларускіх установах адукацыі ажыццяўляецца з выкарыстаннем сучасных методык і тэхналогій.

Беларуская адукацыя высока ацэньваецца ў свеце, а нашы выпускнікі працуюць у паспяховых міжнародных кампаніях, на прадпрыемствах і ў дзяржаўных арганізацыях, працягваюць займацца навукова-даследчай дзейнасцю.

Як паступіць ва ўстанову адукацыі Рэспублікі Беларусь?

Выбіраем установу і ўмовы навучання.

Пералік адукацыйных паслуг устаноў вышэйшай адукацыі Рэспублікі Беларусь.

https://yadi.sk/i/oeSVLUo53LGEMd

Спіс адукацыйных паслуг устаноў сярэдняй спецыяльнай адукацыі Рэспублікі Беларусь.

http://www.ripo.unibel.by/index.php?id=2567

Атрымліваем запрашэнне.
Для атрымання запрашэння замежны абітурыент павінен прадставіць ва ўстанову адукацыі наступныя дакументы:

·        заяву на імя кіраўніка ўстановы адукацыі;

·        копіі старонак пашпарта з асабістай інфармацыяй (з указаннем поўнага імя лацінскімі літарамі, нумара пашпарта, тэрміну яго дзеяння, краіны) і іх завераны пераклад на рускую мову;

·        копіі дакументаў аб адукацыі (поўнай сярэдняй, вышэйшай), іх завераны пераклад на рускую мову.

Афармляем навучальную візу.
Атрымаўшы запрашэнне, замежны абітурыент афармляе навучальную візу ў консульстве Рэспублікі Беларусь у сваёй краіне ці ў Нацыянальным аэрапорце Рэспублікі Беларусь (для прадстаўнікоў краін, дзе няма беларускага консульства).

Падача дакументаў ва ўстанову адукацыі на навучанне.
Тэрмін прыёму дакументаў ва ўстанову сярэдняй спецыяльнай адукацыі вызначае Міністэрства адукацыі.

За падрабязнай інфармацыяй звяртайцеся да супрацоўнікаў Навучальнага цэнтра міжнароднага супрацоўніцтва ў сферы адукацыі.

Тэрмін прыёму дакументаў ва ўстановы вышэйшай адукацыі для замежных грамадзян:
1. Замежныя грамадзяне, якія паступаюць за кошт бюджэтных сродкаў ці на платнай аснове ў адпаведнасці з міжнароднымі дамовамі Рэспублікі Беларусь, — да 17 ліпеня.
2. Замежныя грамадзяне, якія паступаюць толькі на платнай аснове па выніках выніковай атэстацыі, – да 6 жніўня.
3. Замежныя грамадзяне, якія паступаюць толькі на платнай аснове па выніках субяседвання, для вызначэння ўзроўню валодання мовай, на якой ажыццяўляецца адукацыйны працэс, у аб'ёме, дастатковым для засваення зместу адукацыйнай праграмы, – да 15 кастрычніка.

Дакументы, якія падаюцца ў прыёмную камісію ўстановы вышэйшай адукацыі/установы сярэдняй спецыяльнай адукацыі:

1.     Заява на імя кіраўніка па ўстаноўленай Міністэрствам адукацыі форме.

2.     Пасведчанне (дакумент) аб адукацыі (копію — для абітурыентаў, якія паступаюць на навучанне ў дыстанцыйнай форме атрымання вышэйшай адукацыі)  з указаннем вывучаных прадметаў і атрыманых па іх адзнак (балаў) – пры ўмове прызнання ва ўстаноўленым парадку дадзеных дакументаў у Рэспубліцы Беларусь.

3.     Заключэнне медыка-кансультацыйнай камісіі, выдадзенае тэрытарыяльнай арганізацыяй аховы здароўя Рэспублікі Беларусь (пасля праходжання абавязковага медыцынскага абследавання па накіраванню ўстановы адукацыі), для тых, хто паступае на вочную (дзённую) форму атрымання адукацыі.

4.     Медыцынскае заключэнне аб стане здароў'я і сертыфікат аб адсутнасці ВІЧ-інфекцыі, выдадзеныя афіцыйным органам аховы здароўя краіны, з якой прыбыў кандыдат на навучанне (за выключэннем абітурыентаў, якія паступаюць на навучанне ў дыстанцыйнай форме атрымання вышэйшай адукацыі).

5.     Арыгінал (копію) пасведчання аб нараджэнні.

6.     6 фотаздымкаў памерам 3х4 см.

7.     Пасведчанне аб заканчэнні факультэта давузаўскай падрыхтоўкі, падрыхтоўчага аддзялення, падрыхтоўчых курсаў (пры заканчэнні факультэтаў давузаўскай падрыхтоўкі, падрыхтоўчых аддзяленняў, падрыхтоўчых курсаў).

Непаўналетні абітурыент, які паступае ва ўстанову сярэдняй спецыяльнай адукацыі Рэспублікі Беларусь, павінен падаваць дакументы ў суправаджэнні свайго законнага прадстаўніка ці з прадстаўніком, які дзейнічае на падставе даверанасці, засведчанай натарыусам ці ўпаўнаважанай службовай асобай, ці ў суправаджэнні юрыдычнай асобы (індывідуальнага прадпрымальніка, фізічнай асобы), якая ажыццяўляе аплату кошту навучання (пры яе наяўнасці) і якая нясе адказнасць па аплаце іншых выдаткаў.

Для кансультацыі па Вашых пытаннях, калі ласка, звярніцеся ў Навучальны цэнтр міжнароднага супрацоўніцтва ў сферы адукацыі ДУА «Рэспубліканскі інстытут вышэйшай школы». Для Вас працуе Інфармацыйна-кансультацыйны пункт:

http://studyin.edu.by/ru/main.aspx?guid=12961

Адрас:
вул. Маскоўская, 15
г.Мінск, Беларусь, 220007

Тэл/факс:

(+37517) 395-79-41
(+37517) 395-79-40

E-mail: icec@edu.by
Skype: icec.nihe
Facebook: icec.belarus
LinkedIn: ICEC NIHE
Instagram: icec.belarus
Google +: ICEC NIHE